火熱西葡 - Day 1 (巴黎轉機, 西班牙巴塞隆納)~

 

今次去西葡之旅其實好突然, 和今年四月去日本立山時一樣, 都係臨出發前兩星期才知有假期~

然後一樣係兩天時間內, 手忙腳亂地找團和報團~

遲報團唯一好處係, 唔驚唔成團~ 每次問團, 一係答沒團, 一係答仲有幾多個位就滿團~

最後因 JJ 選擇嘅克羅地亞係七月份沒開團, 於是轉去我想去嘅西班牙和葡萄牙~ YEAH~ ^^~

 

7月1日係三號風球下, 晨早出機場集合~ 今次搭 Air France,  會由巴黎轉機入西班牙巴塞隆納~

和導遊相認後, 就落去五樓食早餐~ 所有餐廳都坐滿了人, 除了這間翡翠拉麵小籠包~

 

食物 OK, 但出單太慢, 由落單到上檯等了 2x分鐘~ 旁邊一對韓國情侶, 因餐牌沒圖睇得好辛苦~

另, 係廁所見到個滿面笑容嘅清潔嬸嬸, 見人就會打招呼, 亦因應國籍而轉換不同語言~

 

十點一起飛, 坐咗陣就派小食 (圖左上角)~ 這個餅乾好熱氣, 食了兩條就沒食了~

坐多陣就派午餐 (圖上方中間), 落機前兩小時又派 (圖右上角), 法航嘅飛機餐和服務都唔錯~

係巴黎時間下午五點半 (比香港慢六小時) 到達~ 然後過海關, 蓋印, 行去另一邊 zone 等轉機~

在兩個多小時嘅轉機時間內, 行行企企, 左逛右逛下, 一下子就過去了~

巴黎時間晚上八點九再飛, 飛兩個幾鐘去西班牙嘅巴塞隆納~

坐多陣又派飛機餐~ 但這個唔好食, 麵包嘅麵粉味太濃烈, 唔鍾意食~

十一點三終於到達西班牙嘅巴塞隆納~ 然後集合, 上車回酒店~

左上角這間機場商店, 我用 50歐買薯片時, 找了一堆硬幣, 當時沒留意, 回酒店才發現少找 5歐~

生氣 \_/ 但, 係我大意, 算數~ >.<..

坐了十幾個鐘頭飛機, 終於到達西班牙嘅巴塞隆納, 離聖家堂又近一步了~ \^0^/