火熱西葡 - Day 2.1 (巴塞隆納, 西班牙村 poble espanyol)~

第二日一早, 開始第一個係西班牙巴塞隆納嘅行程, 就係去 "西班牙村 Poble Espanyol" 參觀~

西班牙村建于1929年萬國博覽會時期~ 濃縮了西班牙十七個地區嘅著名建築物~

整體感覺, 好似早期澳門嘅漁人碼頭, 建築物入面全部都係商店, 或餐廳等~

先說一下我哋係西班牙巴塞隆納連住兩晚嘅酒店 - Holiday Inn Express~

酒店近郊外, 所以幾偏僻~ 但有一個好處, 就係夜晚九點幾行出草地, 可以望到日落~

而右下圖嘅猫, 我哋連續兩個早晨, 都在酒店前方嘅草地看到, 但猫一感覺有人行近, 就會走開~

左下圖係酒店早餐~ 係西班牙, 間間酒店早餐都差不多, 都係麵包, 芝士, 火腿, 薯仔蛋, 生果等~

麵包好好食~ 係西葡習慣將麵包塗上牛油和糖漿, 食落更加好食~ ^^~

雖然係巴塞隆納連住兩晚, 但實質係巴塞隆納參觀嘅行程就只有今日~

只好係旅遊巴上不斷拍街景~ 左上圖係巴塞隆納嘅的士, 黃黑色~ 而左下圖係西班牙嘅郵筒~

郵筒係西班牙到處可見, 但郵票不容易買到~ 除非找到郵局, 其他書報攤或手信店等都沒賣~

我哋到馬德里時, 問書報攤嘅店員, 才知道賣香煙嘅攤檔有郵票賣, 一個 0.9歐羅~

今日第一個景點, "西班牙村 Poble Espanyol"~

我哋可能早入場, 因此全個西班牙村就只見到我哋一團遊客, 幾冷清~

似澳門嘅漁人碼頭, 又似深圳嘅世界之窗~ 但西班牙村入面嘅著名建築物, 係以一比一建造的~

入面嘅著名建築物, 我一個都唔識~ 而商店內嘅商品價錢, 係遊客價~

除了建築物外, 每間商店嘅招牌都好有特色, 就好似左上圖嘅飛龍招牌~

行行下, 見到某間商店用了聖家堂外貌來作窗框 (右下圖)~ ^^~