火熱西葡 - Day 2.2 (巴塞隆納, 92 奧林匹克體育館, 哥倫布紀念碑, 西班牙炒飯)~

離開西班牙村後, 我哋依次序去了 "92 奧林匹克體育館", "哥倫布紀念碑" 和去食"西班牙炒飯"~

先說一下 92 奧林匹克~ 第二十五屆夏季奧林匹克運動會於1992年7月25日至8月9日舉行~

地點在國際奧委會主席薩馬蘭奇嘅故鄉, 西班牙嘅巴塞隆納舉行~

左上圖係巴塞隆納於一九九二年舉行奧林匹克嘅體育館~ 右下圖白色嘅尖塔係電信塔~

體育館只開放門口, 和一小區俾遊客影相~ 旁邊有小攤檔賣手信~

然後去哥倫布紀念碑~ 哥倫布紀念碑, 高60米, 為紀念 "克里斯托弗·哥倫布" 而建成~

它位於蘭布拉大道嘅東南端, 就在一個十字路口嘅中間~ 而哥倫布手指指出嘅方向, 就係美洲~

而哥倫布紀念碑對出, 就係港口區~

參觀完哥倫布紀念碑, 就去食午飯~ 今餐團餐係食特色餐, 就係食西班牙炒飯~

係西班牙食西餐, 多數都係頭盤, 主菜, 甜品這三樣~ 今餐頭盤係吞拿魚雜菜沙津~

食完沙津, 侍應就會攞出一大盤西班牙炒飯出來, 唔係俾你食, 係攞出來俾你哋影相~ ^^~

一班團友就會捉住來影相~ 等影好相侍應走後, 真正一碟碟用來食嘅西班牙炒飯就會攞出來~

西班牙炒飯好食, 真係好食~ 而甜品係三色雪糕~