勁黑仔之麥理浩夫人度假村 Day 1 - 西貢~

早前, 有人提議去度假村遊玩, 於是, 就訂了西貢麥理浩夫人度假村兩日一夜嘅宿營~

當日一定有人出門沒燒香, 全日勁黑仔~ 全日口頭禪都係, "邊個黑仔唔出聲?"~ 但沒人肯認~ ^^

上圖就係我哋訂嘅宿營~ 一入房, 就發現廁所水長流, 打唔通員工電話, 唯有落山找人修理~

房間幾大, 有檯, 有椅, 有床~ 有熱水瓶, 但煲出來嘅水有異味, 唯有去餐廳買野飲~

室外活動有自行車場, 遊樂場, 手工藝中心等等~

但因室外太熱, 我哋一直係文娛館或康樂館打康樂棋, 乒乓球, 睇報紙和打氣塾球等~

然後回房, 發現廁所已經修理好了~ 但黑仔事件陸續有來~ >.<

黑仔事件簿:

一, 第一次入房, 就發現廁所水長流, 打唔通電話俾工作人員, 唯有落山去辦事處找人修理~

二, 四點後有冷氣供應, 我哋四點回房開冷氣, 沒反應, 打電話俾工作人員, 要上來開總掣~

三, 我哋晚餐訂了 BBQ, 係約定時間去燒烤場時, 突然落大雨, BBQ 要取消~ 之後一小時, 停雨~

四, 離開燒烤場回房, 離遠見到窗口嘅窗簾杆掉下來...... >.< 去餐廳時, 再去辦事處找人來修理~

五, 度假村勁多蚊, 帶來嘅蚊怕水到夜晚用完, 餐廳又賣哂, 唯有著住長袖冷衫遮手臂, 勁熱呀~

因為晚餐訂了 BBQ, 後來又因落雨而取消, 餐廳嘅工作人員就會將你訂嘅燒烤包攞去炸熟~

係指定時間回餐廳, 就會有一盤炸熟嘅肉類, 麵包, 番薯俾番你當晚餐~

炸熟嘅肉類, 味道當然係又乾, 又柴, 又油, 又難食~ >.< 好在還有麵包, 番薯和帶來嘅朱古力~

然後回房休息~