回憶之旅 - xxkame: Hea 爆台中清境

2012年7月1日星期日

20120627 (三) 同屋企人去了台中旅行~ ^0^

出發前台灣又大雨又打風的, 都怕會下大雨~ 但幸好這幾日大致上天晴, 又熱又曬~

出門前已吃早餐, 但去到機場又百無聊賴, 又去食早餐, 上機後又有飛機餐~

個飛機餐唔得囉~ 個粟米魚柳塊魚柳好似泡咗係水好耐咁, 發漲哂嘅口感~

去到台中, 係機場換好台弊後就出發去日月潭嘅雲品酒店, 然後自由活動~

一入大堂, 就有一杯 welcome drink (唔記得係咩咩果醋) 和一個朱古力撻~

每間房都有私人溫泉, 唔錯架~ 房間還有生果, 曲奇, 汽水免費享用~

房間露台對出望到日月潭嘅側邊, 雖然唔係正面, 但個景已經好靓啦~

休息咗一陣, 我哋就出咗酒店去行步道~ 怎料, 行到一半就開始落雨~ 即刻返酒店~

去睇酒店嘅設施~ 有健身室, 遊戲室, spa, 日式溫泉, 泳池等~

我哋就係食晚飯前嘅時候, 返房浸下溫泉~ 好 hea, 好 relax~

浸完溫泉就去食晚飯, 今餐係自助餐~ 我哋就食第二場, 19:30 開始, 食 2個鐘~

有海鮮, 魚生, 串燒等等~ 右上圖係生炒牛肉和豬肉, 即場炒的~ 炒咗一大碟俾我~

隻串燒魷魚都好大隻~ 魚生係師傅切架, 要邊款, 幾多片同佢講就得~

係咁食食食~ 食咗一個魯肉河, 入邊仲有隻鹵水蛋仔~ 件牛扒就普通~

甜品櫃嘅甜品好精緻架~ 亦都係由服務員夾俾你, 要邊款, 係甜品櫃前點點就可以~

件芝士餅好食~ 最後食埋個雪糕~ 食到好飽~

食完就去咗遊戲室玩~

之後回房再浸多次溫泉~ 每間房都有浴衣提供~ 可以著住件浴衣係酒店內自由活動~

20120627 台中清境:

回憶之旅 - xxkame