Hea 爆台中清境 - Day 4.1 (台中公園, 日曜天地, 阿水獅, 伍角船板)~

20120630 (六) 最後一日嘅行程~

8點幾食早餐, 然後到了酒店對面嘅台中公園閒逛~ 如果穿過台中公園, 就可以行到一中夜市~

公園頗大, 中間有一個湖, 可以租船仔遊湖~ 中間有個亭, 見到有人在餵鴨仔, 魚和烏龜~

有很多石像, 如孔子像~ 亦有廟~ 臨走前見到一個好大的羊頭, 原來係一個好大嘅三羊啓泰~

又曬又熱, 決定回有冷氣嘅地方, 於是到了酒店內嘅日曜天地~ 就像東薈城一樣嘅名牌 outlet~

價錢唔覺得平~ 像提高價再減一減~ 在 outlet 兜了一個圈~ 又決定出酒店逛一逛~

左上圖補番一張係酒店食嘅早餐相~

我哋圍住酒店兜咗一圈~ 見到這間 "阿水獅豬腳大王", 印象中好似幾出名, 於是走咗入去睇下~

本來想買一盒豬腳回港, 但需要冷藏處理, 當日我哋搭夜機, 怕中途沒冷藏會變壞就放棄了~ >.<

最後決定帶不回港就入去食~ 雖然剛吃完早餐, 之後會立刻去食午餐, 但每人都叫了一隻豬腳~

豬腳炆得好淋, 好入味, 但我就覺得個汁有點鹹~ 媽子佢哋覺得好味, 完全平, 靓, 正~

另, 入面有個婆婆好好人~ 我哋本來坐了四人桌, 她說不要坐得那麼迫, 幫我哋轉了張大檯~

然後問我哋飲唔飲水, 就俾咗一大壺白開水我哋飲~ 我望隔離幾檯, 都係沒水飲的~

回酒店 check out 後, 我哋就去食午餐~ 去了 "伍角船板"~ 一間好有特色的餐廳~

拍緊天花板時, 突然看到兩個大型女人頭像石柱貫穿一, 二樓 (右下圖)~  嚇死我了~ >.<

團體餐~

 

圖中嘅係女洗手間, 好有特色~ 但最特色嘅係佢個洗手盆, 一個個女人石像~

唔知係我用嘅洗手盆有問題, 或是佢個設計係咁, 我開水喉時, 只有一串串水滴~

水滴由個擰歪埋塊面嘅女人嘅口中滴下落, 完全一幅流緊口水的景象~

你就像用緊佢一滴滴嘅口水係度洗手一樣, 好怪異呀~ >.<

 

 

 

20120627 台中清境:
 

> Hea 爆台中清境 - 手信買物篇~

> Hea 爆台中清境 - Day 4.2 (心之芳庭, 勤美誠品綠園道)~

> Hea 爆台中清境 - Day 4.1 (台中公園, 日曜天地, 阿水獅, 伍角船板)~

> Hea 爆台中清境 - Day 3.3 (一中夜市)~

> Hea 爆台中清境 - Day 3.2 (文武廟, 日月潭, 孔雀園)~

> Hea 爆台中清境 - Day 3.1 (合歡山 - 睇日出)~

> Hea 爆台中清境 - Day 2.2 清境農場 (青青草原), 名人渡假村~

> Hea 爆台中清境 - Day 2.1 雲品酒店, 埔里酒廠~

> Hea 爆台中清境 - Day 1 (雲品酒店)~

> Hea 爆台中清境四天遊 - 行程~