Hea 爆台中清境 - Day 3.3 (一中夜市)~

出發前係網上找資料, 睇下一中夜市有咩好食~ 目標就係食哂一中夜市中最出名的攤檔~ ^^

第一間食嘅就係 "王印製麵", 出名嘅係麻辣乾麵~ 但因為我哋唔食辣, 所以全部叫咗唔辣嘅野~

當牛肉湯麵上檯, 我用筷子係碗度搵唔到牛肉時, 我就知道我又重蹈覆轍了~ >.<

台灣嘅牛肉湯麵 = 牛肉湯 + 麵, 同香港嘅牛肉湯麵 =  牛肉 + 湯麵, 係完全唔同嘅~

上兩次去九份已經攪錯, 今次醒唔起又攪錯了~ 希望下次去台灣食牛肉麵時記起這個分別啦~

這個牛肉湯味道幾濃, 幾有牛肉味~

第二間去咗 "胖子雞排", 出名嘅係雞排~ 但睇網上評論好像雞丁好味D, 就叫了雞丁~

外皮香脆, 雞肉嫩滑, 這個幾好食~ 右上圖係食咗大半時才拍的~

係等緊雞丁時, 有個女仔俾咗一杯飲料我~ 雖然唔知係咩, 但味道酸酸幾好味~

胖子雞排對面係一間賣臭豆腐好出名嘅攤檔 (左上圖), 行了幾次都有很多人在等位~

第三間去咗 "上和園滷味", 出名嘅係雞爪凍, 即係滷水雞腳~

我哋食咗雞爪凍和滷水海帶~ 雞爪凍和普通滷水雞腳一樣, 而海帶就唔好食~

但, 強烈推薦 "上和冰"~ 下面係酸味嘅冰, 中間係甜嘅紅豆, 最上面係一個雪糕球~

又平又大碗而且又好食~ 係夜市行到身水身汗, 食一兩口就已經透心涼了~

第四間, 見到 "Mister Donut", 就入去排隊買了一個雙重巧克力嘅甜甜圈食~

愈行愈攰, 決定返酒店~ 沿途亦會睇下邊間想食而又未食, 順便買番酒店食~

第五間去咗 "阿月紅茶冰",  出名嘅係金牌檸檬茶~ 味道普通~

買完檸檬茶出來, 就唔見咗媽子佢哋~ 原來佢哋去咗這間睇人整餅~

第六間去咗 "蔥抓餅"~ 塊蔥油餅煎到咁上下, 就會用鐵鏟打鬆個餅, 再係上面加材料~

圖中嘅係 "鮪魚蛋蔥抓餅"~ 加了三文魚和蛋~ 這個好好味~ 值得推薦~

第七間去了 "北京茶燻", 這間有很多節目介紹過, 膠袋上都列了上過嘅節目名~

這間排了很長時間~ 味道最初覺得普通, 但後來食食下會停唔到口~

但這間, 我要說: "還我血米糕呀~~~~~~~" \_/

明明買了血米糕, 但返回酒店打開膠袋一看沒有了, 而且收多我錢, 好唔老實呀~

一中夜市賣嘅貨物就像香港嘅女人街或花園街, 街嘅中心有一檔檔嘅小食攤檔~

20120627 台中清境:
 

> Hea 爆台中清境 - 手信買物篇~

> Hea 爆台中清境 - Day 4.2 (心之芳庭, 勤美誠品綠園道)~

> Hea 爆台中清境 - Day 4.1 (台中公園, 日曜天地, 阿水獅, 伍角船板)~

> Hea 爆台中清境 - Day 3.3 (一中夜市)~

> Hea 爆台中清境 - Day 3.2 (文武廟, 日月潭, 孔雀園)~

> Hea 爆台中清境 - Day 3.1 (合歡山 - 睇日出)~

> Hea 爆台中清境 - Day 2.2 清境農場 (青青草原), 名人渡假村~

> Hea 爆台中清境 - Day 2.1 雲品酒店, 埔里酒廠~

> Hea 爆台中清境 - Day 1 (雲品酒店)~

> Hea 爆台中清境四天遊 - 行程~