首爾追星星 - 參觀 DDP "來自星星的你" 特別展覽~

在去首爾前, 知道 SBS 電視台為韓劇 "來自星星的你" 在 DDP (東大門設計廣場) 舉辦特別展覽~

當其他團友去東大門血拼時, 我哋就利用自由時間到了 DDP 嘅 ART HALL 1 參觀展覽~

展期由 2014年6月10日至8月15日, 每日開放~ 時間由早上10點至晚上10點~ 成人入場 w15000~

當日係 6月15日, 展期嘅第六日~ 雖然係星期日, 但人流並不算多, 入場大多數都係亞洲旅客~

上圖係 DDP ART HALL 1 入口旁邊嘅展牌, 都敏俊 (金秀賢) 和千頌伊 (全智賢) 就在這等你~

展覽有都敏俊和千頌伊實際房間嘅布景~ 上圖係都教授嘅書房, 好有氣派, 好鬼靚~ >///<

除了房間布景, 還有 3D 視頻, 服裝物品, 隕石, 劇照等的展出~ 另有數個影相區, 可以影合照~

當香港海洋公園或迪士尼收你一張約七, 八十蚊時, 這裡影一張合照只要 w3000~

海洋迪迪影合照只有一次機會, 影得好唔好都係得個張~ 但這裡影合照, 可以影到滿意為止~

我哋影了兩張, 一張和都千在都敏俊房間嘅合成照片, 另一張係露台嘅合照~

影完留低 E-MAIL ADDRESS, 他們還會寄回 SOFT COPY 俾你~ 真係業界良心, 平靚正嘅典範~

左下圖, 四百年前都敏俊救了轎入面嘅千頌伊前世嘅場景~

右下圖, 電梯走廊嘅場景, 可以入去拍照~

都敏俊嘅房間, 中間的大樹~ 右上圖嘅右上角, 可以看到書房嘅門~

右下圖, 都敏俊嘅睡房~ 這間可以入去影相, 更可以坐在床上拍照~ >///<

千頌伊嘅房間, 只可以在外圍拍照~

看到右上圖右上角有粒粉紅色嘅星星嗎? 這個位置就係千頌伊在拍片時掉下來的拍攝現場~

右下圖, 千頌伊就在這裡掉下來的~


SBS 特展網址: http://lovefromstar.sbs.co.kr/main_chinese.html


要到 DDP, 可以由東大門地面過斑馬線, 或者由地下商場行過去, 沿途有很多星星展覽嘅海報~

賣票嘅地方就在入場門口旁邊, 工作人員都穿了星星嘅 T-SHIRT, 好易認~ 有會說中文嘅員工~