東京 2014 - (D.2.4) 菓匠右門 (川越)~

參觀完時之鐘, 本打算去時之鐘附近的餐廳食午飯, 怎料, 午飯時間加上星期日, 間間都爆滿了~

唯有順著一番街一直行, 終於行到這間 "菓匠右門", 看見門前的食物模型夠吸引, 就入去了~

前鋪係賣番薯的手信店, 後鋪係餐廳~ 餐廳用榻榻米, 入內前要除鞋, 另檯椅擺放的比較擠迫~

右下圖的食物模型係本丸御膳, 1600円, 媽子她們叫了這個, 比我的町家之膳多了蝦, 和一碗肉~

我的町家之膳, 1100円~ 飯係番薯飯, 係川越, 番薯係特產~

我覺得裝番薯飯的容器幾有特色, 雖然朵玫瑰花係膠花, 但都幾得意~

町家之膳有鰻魚, 煮物, 漬物和湯~

鰻魚一般, 肉質比較散, 醬汁麻麻地~ 煮物幾好食, 雞肉幾入味~

我沒食漬物~ 湯係蘿蔔蜆肉湯, 幾清甜, 幾好飲~ 而番薯飯, 都幾好食~


網址: 菓匠右門  http://www.imokoi.com/