首爾追星星 - (D.1.3) 南山塔, 食炸雞~

離開學林茶坊 (학림다방) 後, 我哋就去參觀第三個 "來自星星的你" 嘅拍攝場地 - 南山塔~

南山塔係星星第十八集,  都敏俊和千頌伊掛上愛情鎖嘅地上~

當然係現場找不到都千嘅愛情鎖, 但係現場有一張以都敏俊為背景嘅長椅, 可以坐低拍照留念~

因為逗留時間短, 導遊都唔見議自費上南山塔觀景台~ 我哋影完相, 買完野都夠鐘集合了~

來過首爾數次, 都係第一次去南山塔參觀~ 上南山塔那條小路又長又斜, 行到沒哂氣...

離開南山塔後, 就先回酒店, 再去食晚飯~ 韓國燒烤有濕燒和干燒, 今次食濕燒, 即有汁嘅燒法~

一大鍋有菜, 粉, 魷魚, 和豬肉~ 個汁甜甜地, 加埋配料幾好食~ ^^

因為我哋住 T MARK, 一個站, 或行 20分鐘可以到達明洞, 所以回酒店解散後, 我哋再次出發~

星期六晚嘅明洞, 多人到水洩不通, 我哋行咗一條街, 迫入一間店舖買完護膚品後, 就決定離開~

由酒店行過來時, 沿途見到一間餐廳有賣炸雞, 回酒店再經過時, 便入去外帶一隻炸雞走辣~

炸雞 ₩15000, 因為即叫即炸, 所以我哋坐係餐廳入面等咗一段時間~ 回酒店附近再買飲料~

炸雞有一隻雞的份量, 還附送一大袋酸蘿蔔, 和一小袋鹽~

炸雞外表炸得有點干, 但雞肉唔韌, 醃料醃得好入味, 幾好食, 這個不錯~