火熱西葡 - Day 3.1 (西班牙 - 蒙特塞拉特聖山, 鋸齒山, 瑪麗亞修道院)~

第三日一早, 離開西班牙巴塞隆納, 就去參觀自費活動 "蒙特塞拉特聖山 (Montserrat)"~

距離巴塞隆納 38公里, 瑪麗亞修道院位於一座陡然凸出大地約 1236公尺高嘅蒙特塞拉特山上~

蒙特塞拉特山就像一塊巨石, 由很多像手指頭形狀嘅怪石而形成, 所以又名鋸齒山~

而瑪麗亞修道院最有名的, 就係有一尊黑色聖母瑪麗亞像~ 只要瞻仰瑪麗亞像, 就可得到祝福~

途中, 由玻璃窗向外看, 蒙特塞拉特山就像一大塊奇形怪狀嘅巨石, 盤踞一方~

由聖山向下望, 風景超過優美~ 如果有時間, 可以搭小火車瀏覽聖山~

另, 係影相期間, 真心佩服那些站在一呎圍欄上影相嘅人, 一步錯, 就會掉落萬丈深淵~

瑪麗亞修道院有另一個入口去睇黑色聖母瑪麗亞像~ 當日人潮排出廣場外, 所以我們沒有排~

但係教堂內, 有遠觀黑色聖母瑪麗亞像~ 教堂內有個小窗口, 可以遠觀黑色聖母瑪麗亞像~

教堂內部金碧輝煌, 好莊嚴, 而且好靚~
 

高弟設計 "聖家堂" 嘅靈感, 就係來自蒙特塞拉特聖山~

聖山上一塊塊手指頭形狀嘅怪石, 一棵棵尖刺般嘅樹木, 都像聖家堂那十二枝高柱嘅原形~

今日午餐自費, 因為用了太多時間影相, 沒時間去餐廳食飯, 唯有去小賣部買三明治食~

我買了最普通嘅火腿芝士三明治, 塊芝士好好食~ 沿途有攤檔賣芝士, 蜂蜜, 特式甜品等手信~

蒙特塞拉特聖山真係好靚, 值得推薦嘅行程~