火熱西葡 - Day 2.4 (巴塞隆納 - 奎爾公園, 大教堂, 蘭布拉大道, 聖荷西市場)~

離開聖家堂, 就去參觀自費活動, "奎爾公園 Parc Guell"~

奎爾公園由西班牙的高第設計, 建於1900年到1914年, 被聯合國教科文組織列為世界遺產之一~

本來係一個住宅區, 但建成兩個別墅後, 因地方偏僻沒人問津而停建~ 後來改為公園對外開放~

上圖係奎爾公園的 ICON, 用馬賽克鑲嵌的蜥蜴~

 

奎爾公園好大~ 隨處可見高第的弧形設計~

離開奎爾公園, 就去參觀巴塞隆納大教堂, 外觀拍照~ 大教堂建於13世紀, 哥德式設計~

然後以大教堂為起點, 行去 "蘭布拉大道 La Rambla"~

蘭布拉大道係巴塞隆納市中心一條步行街, 亦係旅客必去的購物大道, 全長1.2公里~

中段有 "聖荷西市場 Mercat de Sant Josep"~ 售賣蔬果海鮮, 門前更有售賣黑毛豬火腿的店舖~

一隻隻豬脾掛係度, 幾壯觀~ 有三年豬和四年豬, 試味後覺得四年豬比較鹹, 所以買了三年豬~

領隊介紹市場內有間食海鮮好好味, 但當日海鮮店沒開門呀~

去西葡前, 我有查過高第的資料, 所以知道係蘭布拉大道附近, 有兩個高第設計的作品~

一個係 "奎爾宮 Palau Guell" (左上圖)~ 另一個係皇家廣場內的 "兩盞街燈" (右上圖)~

行完聖荷西市場, 我哋就用自由時間參觀了奎爾宮和兩盞街燈~

其實, 高第還有兩個出名的建築物係附近, 一個係 "巴由之家", 一個係 "美拉之家"~

但因行程沒有包括, 而如果我哋用自由時間, 由蘭布拉大道過去又時間不夠, 所以最終放棄了~

怎料, 當去晚餐地點時, 係旅遊巴窗外見到巴由之家 (左下圖), 和一點點美拉之家 (右下圖)~ ^^

說回蘭布拉大道, 我哋有兩個小時的自由時間用來行行企企~

右下圖的飲水器, 據聞流星花園 II 出現過, 據聞飲過飲水器的水, 就會有機會重臨巴塞隆納~

但, 領隊叫我哋唔好試, 一唔知啲水乾唔乾淨, 二怕水土不服~

右上圖係我哋等旅遊巴時, 前面有群眾示威, 將整條馬路佔據了, 後來警察又來了~

等了半個鐘, 示威群眾行去蘭布拉大道, 讓番條馬路出來~