冰極天地 (香港海洋公園) - 香港仔~

2013年~

今年生日, 依然用盡海洋公園送給香港人正日生日免費入場嘅優惠, 去了海洋公園玩~ ^0^~

因為近幾年都係去海洋公園慶生, 差不多海洋公園全個場館都逛了數遍~

今次入去, 主要參觀海洋公園新開嘅 "冰極天地"~ 去睇上圖嘅企鵝~

因為順路, 先去睇海洋奇觀和探望大熊貓後, 再搭海洋列車去睇冰極天地~

係冰極天地門口, 看到一隻好大嘅北極熊塑像, 以為冰極天地有北極熊睇~

後來問工作人員, 原來場館係沒真嘅北極熊睇~

因為平日, 再加上一直落雨, 海洋公園好少人, 每個場館都行得好舒服~

這隻雪狐好可愛~

我哋入去嘅時候佢係望住我哋個邊嘅方向(門口方向), 一見有人入, 即刻擰歪塊面唔俾我哋睇~

等咗陣, 佢又偷偷地望過來, 見仍然有人, 又擰歪塊面~ 幾次後, 佢終於無可奈何地望過嚟啦~ ^^

但, 感覺隻雪狐好孤獨, 場館面積不大, 而且好像只有它一隻...

然後去食右上圖嘅炸雞薯條~ 唔係因為好食, 而係習慣每次去海洋公園都食這個~

雨愈落愈大~ 唔去海洋劇場, 直接搭海洋列車回去睇香港老大銜, 再玩旋轉木馬~

係人工湖附近嘅帳棚坐多一陣, 就離開海洋公園了~


地址: 香港香港仔海洋公園