第三隻鈪 (雜談) - 油麻地~

<圖片來自香港旅遊發展局>

記得小時候戴過兩隻玉鈪, 第一隻玉鈪戴咗幾年, 印象中顏色白白地, 係一次意外中打爛了~

記得係小學嘅小息時間, 被人從正面奔跑撞倒, 倒下時撞到後腦, 老師立即通知家長將我接走~

後腦起咗個高"樓", 醫生話要觀察, 後來覆診兩次後就好了~

而我戴嘅玉鈪係我倒下時, 撞地一分為四斷開了~ 媽子後來話隻玉鈪幫我擋了一劫~

第二隻玉鈪係係第一隻打爛後買的, 但因第二隻買大了, 戴唔夠兩日, 就被我除衫時打爛了~

之後一直沒戴, 直至數日前~


<小劇場: 開始>

日期: 某日, 人物: 我, 媽子, GG, 目的: 商量第二日行街路線

GG: 聽日出裕華, 順便去埋玉器市場~

我: (近日唔知點解想買番隻鈪戴, 一聽到玉器市場, 即時打蛇隨棍上) 不如送隻鈪俾我啦~ ^^

媽子和GG: ... ...

我: 喂~ 有沒聽架? \_/

媽子和GG: ... ... 係到諗緊點解要送隻鈪俾你?

我: ... ... >.<..

<小劇場: 完結>


好吧, 我都係亂口說說~ 沒想到他們已經上心, 係第二日送了隻玉鈪給我~ 好開心, 謝謝~

媽子話揀玉鈪要隨緣, 要合眼緣~

所以一開始, 媽子一直係攤檔穿插, 突然停係某檔要店主攞鈪我試, 就係合眼緣?

隻玉鈪係媽子幫我揀, GG 俾錢的, 謝謝~ ^0^~