茄汁雞脾飯 - 日月星快餐~

記得以前住舊屋時附近有間餐室, 每次一入去就會聞到好香嘅炸雞脾味道和蕃茄味道~

對於當時細路仔的我來說, 無疑係致命的誘惑~ 可惜餐室敵不過歲月, 很多年前已經結業了~

數日前係開飯見到有人介紹這間 "日月星快餐店", 圖片中的茄汁雞脾飯, 勾起了以前嘅回憶~

某日, 係九龍灣上完興趣班後, 就去買了~ ^^

這間專做外賣~ 店前雖然有兩張細摺檯可以堂食, 但當日全店滿座, 兼門口有很多人在等外賣~

目標明確, 我要食生炸雞脾 + 茄汁 + 飯, 於是叫了這個炸雞脾加香腸茄汁飯套餐~

隻雞脾睇落好似好大隻, 事實係隻雞脾被人拆骨拍大了~ 盒飯好大盒, 蕃茄汁略帶酸味~

雖然回家後盒飯已經唔太熱, 但雞脾和蕃茄汁依然幾好食, 唔錯~


地址: 香港九龍灣牛頭角道 15-19號嘉和園 8號地下